काठमाडौं, माघ १ । पोखरामा यति एअरलाइन्सको एटीआर-७२ विमान दुर्घटना भएको छ । ६८ जना यात्रु र चार जना चालक सहित ७२ जना रहेको उक्त विमान काठमाण्डौबाट पोखराका लागि उडेको थियो। बिहान १०ः३३ बजे उडेको जहाज पोखरा विमानस्थलमा अवतरणका क्रममा विमान दुर्घटनामा परेको हो । पोखरा–१५ नयाँ गाउँमा जहाज दुर्घटना भएको स्थानीयले बताएका छन् । ‘टर्निङ’ मा समस्या हुँदा विमान खसेको अनुमान गरिएको छ ।

जिल्ला प्रहरी कार्यालय कास्कीका अनुसार साढे ११ बजेसम्म दुर्घटनास्थलबाट ३२ जनाको शव निकालिएको छ ।