ललितपुर, माघ ४ ।   ललितपुर महानगरपालिका-२७ सुनाकोठीस्थित २७ नम्बर वडा कार्यालयबाट करिब २ लाख ८७ हजार रूपैयाँ बराबरको कम्प्युटर, सिसि क्यामेरा मोनिटर, प्रिन्टर लगायतको सामान र सोही वडा कार्यालयको भवनमा रहेको हेल्थपोस्टबाट करिब १ लाख ३० हजार बराबरको ल्यापटप, कम्प्युटर, बीपी सेट लगायतको सामान चोरी भएको छ । 

उक्त भवनको झ्याल खुला रहेको अवस्थामा अपरचित व्यक्तिहरु भित्र प्रवेश गरी उक्त सामान चोरी गरेको भन्ने खबर प्राप्त हुनासाथ प्रहरी वृत्त चापागाउँबाट खटिएको प्रहरी घटनास्थलमा पुगी आवश्यक अनुसन्धान गर्नुका साथै चोरीमा संलग्न हाल फरार व्यक्तिहरूको खोजी गरिरहेको छ ।