काठमाडौं, माघ ९ । नेपाल प्रहरीको केन्द्रीय अनुसन्धान ब्यूरो (सीआईबी) ले नेपाल टी-२० लिगमा म्याच फिक्सिङ गरेको आरोपमा राष्ट्रिय क्रिकेट टीमका खेलाडी आदिल अन्सारी र पूर्वराष्ट्रिय क्रिकेटर मेहबुब आलमलाई पक्राउ गरेको छ। सीआइबीले आलमलाई राजविराज र आदिललाई विराटनगरबाट पक्राउ गरेर काठमाडौं ल्याउँदैछ ।

प्रारम्भिक अनुसन्धानबाट टी-ट्वान्टी लिग क्रिकेटको व्यवस्थापन गर्ने जिम्मा पाएको कम्पनी सेभेन-३ स्पोर्टका सञ्चालक नै फिक्सिङमा संलग्न रहेको आशंका गरिएको छ ।

गत महिना सम्पन्न पहिलो संस्करणको नेपाल टी-२० लिग प्रतियोगितामा म्याच फिक्सिङ्ग गरेको आरोपमा पूर्व क्रिकेटर महबुब आलम र राष्ट्रिय क्रिकेट टोलीका अलराउण्डर मोहम्मद आदिल अन्सारीलाई प्रहरीले पक्राउ गरेको हो ।