काठमाडौं, माघ १७ । अघिल्लो दिनको कारोबारको तुलनामा आज छापावाल सुनको मूल्य प्रतितोला पाँच सय रुपैयाँले घटेको छ।  

अघिल्लो दिन प्रतितोला एक लाख छ हजार तीन सय रुपैयाँमा कारोबार भएको सुनको मूल्य आज एक लाख पाँच हजार आठ सय रुपैयाँ तोकिएको छ।  

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजावी सुनको मूल्य प्रतितोला एक लाख पाँच हजार तीन सय रुपैयाँ छ। यसको मूल्य अघिल्लो दिन एक लाख पाँच हजार आठ सय रुपैयाँ थियो।  

यस्तै चाँदीको मूल्य आज अघिल्लो दिनको कारोबार मूल्यका तुलनामा स्थिर रही प्रतितोला एक हजार तीन सय पैसठ्ठी रुपैयाँ कायम रहेको महासङ्घले जनाएको छ।