काठमाडौं, माघ २२ । राष्ट्रिय स्वतन्त्र पार्टी (रास्वपा) का सभापति रवि लामिछानेले आज विशेष पत्रकार सम्मेलन गर्ने बताएका छन् ।

पार्टीको बैठकले सरकारबारे आज निर्णय गरेलगत्तै पार्टी कार्यालयबाट नै विशेष पत्रकार सम्मेलन गर्ने सभापति लामिछानेले बताएका छन् । उनले सम्पूर्ण नेपालीहरुलाई आजको पत्रकार सम्मेलन हेर्न, सुन्न आव्हान समेत गरेका छन् । मैले सिधाकुरा नगरेको धेरै भएछ भन्दै उनले सामाजिक सञ्जालमा लेखेका छन् -

पार्टीको बैठकले आज ठोस निर्णय लिन्छ त्यो आफ्नै ठाउँमा छ। त्यस लगत्तै पार्टी कार्यालयबाट आज म विषेश पत्रकार सम्मेलन गर्दैछु। म चाहन्छु सिङ्गो देश र विदेशमा रहनुहुनेहरु सबैले आजको पत्रकार सम्मेलन हेरुन्, सुनुन्। मैले सिधाकुरा नगरेको धेरै भएछ।