काठमाडौं, माघ २३ । नेपाली राष्ट्रिय क्रिकेट टिमको प्रमुख प्रशिक्षकमा भारतका मोन्टी देसाईलाई नियुक्त गरिएको छ ।

उनलाई नेपाल क्रिकेट संघ (क्यान) ले औपचारिक नियुक्ति दिएको हो । उनी केही दिनदेखि नेपाली टीमलाई प्रशिक्षण दिन थालेका थिए । नेपालले आगामी महिना खेल्ने त्रिकोणात्मक सिरिजबाट देसाईले आफ्नो जिम्मेवारी थालनी गर्नेछन् । उनीसँग भारतीय राष्ट्रिय क्रिकेट टिममा रहेर खेलेको अनुभव छ । उनी यसअघि नेपालको ब्याटिङ प्रशिक्षक थिए ।

देसाई सन् २०१७ को एसीसी यू-१९ एसिया कपमा नेपालले भारतलाई हराउँदै ऐतिहासिक जित निकाल्दा नेपाली टिमको ब्याटिङ सल्लाहकारका रुपमा रहेका थिए । क्यानसँग देसाईले दुई वर्षको सम्झौता गरेको बताइएको छ ।