काठमाडौं, माघ २६ । टर्की-सिरियामा सोमबार आएको तीव्र गतिको भूकम्पका कारण १५ हजारभन्दा बढीले ज्यान गुमाएका छन् । ५० हजारभन्दा बढी घाइते भएका छन् । भग्नावशेषमा फसेका मानिसहरु अझै सहयोगको खोजीमा छन् । रिपोर्टका अनुसार करिब १ लाख मानिस उद्धार कार्यमा संलग्न छन्, जसमा विभिन्न देशका टोली पनि छन् । अधिकांश भागमा, सिरियामा भग्नावशेषमा फसेकाहरूलाई मद्दत पुग्न सकेको छैन।
यसैबीच टर्कीमा चिसो तापक्रमका कारण उद्धार कार्य बारम्बार रोक्नुपर्ने भएको छ । मानिसहरूले भग्नावशेषमुनि दबिएका आफ्ना प्रियजनहरूलाई पानीका बोतलहरू पुर्याइरहेका छन्, ताकि उनीहरूलाई सुरक्षित रूपमा बाहिर निकाल्न सकियोस्। भग्नावशेषमुनि फसेका मानिस र बालबालिकाका धेरै भिडियोहरु सामाजिक सञ्जालमा सार्वजनिक भएका छन्, जुन स्तब्ध छन् । उद्धारका क्रममा धेरै बालबालिकाको सकुशल उद्धार गरिएको छ ।
बीबीसीका विज्ञान संवाददाता पल्लब घोषले टर्कीमा गएको भूकम्प विनाशकारी हुनुको कारणबारे एक सामग्री तयार गरेका थिए। जसअनुसार टर्कीमा आएको पहिलो भूकम्पको केन्द्रबिन्दु जमिनको सतहभन्दा केवल १८ किलोमिटर मुनि थियो। त्यसैले भवनहरू र अन्य भौतिक संरचनामा ठूलो क्षति पुग्यो।
यसैबीच टर्कीमा राष्ट्रिय शोकको घोषणा गरिएको छ । यसबाहेक धेरै प्रदेशमा आपतकाल लागू गरिएको छ । यसैबीच डब्लुएचओले चेतावनी दिएको छ । यसका साथै उनले अन्य देशसँग पनि सहयोगको अपिल गरेका छन् ।
