टर्की, माघ २६ । दक्षिणी टर्की र उत्तरी सिरियामा गएको भूकम्पमा मृत्यु हुनेको संख्या १६ हजार पुगेको छ । तर, समाचार एजेन्सी एएफपीको रिपोर्ट अनुसार भूकम्पमा मृत्यु हुनेको संख्या १६ हजार नाघेको छ ।
विश्व स्वास्थ्य सङ्गठनले खुला आकाशमुनि पानी, बिजुली र इन्धन नहुँदा भूकम्प पीडितका लागि कठिनाइ बढ्ने र यसका कारण कतिपयको ज्यान समेत जान सक्ने आशंका व्यक्त गरेको छ ।
थप भूकम्प आउन सक्ने र तीव्रता पहिले भन्दा बढी हुन सक्ने भएपनि उद्धारकर्मीहरू काम गरिरहेका छन् तर भवनको भग्नावशेषमा दबिएका मानिसहरूको बाँच्ने सम्भावना समय बित्दै जाँदा कम हुँदै गएको छ।
दर्जनौं बेलायती परोपकारी संस्थाहरूले प्रभावितहरूको लागि कोष जुटाउन मद्दतको लागि अपील गरेका छन्। टर्कीले सिरियाको सिमानामा दुईवटा सीमा नाका खोल्ने आशा व्यक्त गरेको छ जसले गर्दा त्यहाँ राहत सामग्री ल्याउने बाटो खुल्छ।
