काठमाडौं, फागुन ४ ।  नवनियुक्त ३ जना कुलपतिहरु निशा शर्मा, भूपाल राई र नारदमणी हार्तम्छालीले पद तथा गोपनीयताको सपथ ग्रहण गरेका छन्। आज बिहान बालुबाटारमा प्रधानमन्त्री पुष्पकमल दाहाल ‘प्रचण्ड’ले नवनियुक्त ३ जना कुलपतिहरुलाई पद तथा गोपनियताको सपथ गराउनु भएको हो ।

यसरी सपथ ग्रहण गर्नेमा नेपाल सङ्गीत तथा नाट्य प्रज्ञा-प्रतिष्ठानका कुलपति निशा शर्मा, नेपाल प्रज्ञा प्रतिष्ठानका कुलपति भूपाल राई, नेपाल ललितकला प्रज्ञा-प्रतिष्ठानका कुलपतिमा नारदमणी हार्तम्छाली रहेका छन्।

सो अवसरमा प्रधानमन्त्रीले उनीहरुलाई बधाई तथा सफल कार्यकालको शुभकामना दिनुभएको थियो ।