लन्डन, फागुन ४ ।  बेलायतका राजा चार्ल्स तेस्रोले यसै वर्षको मे महिनामा राज्याभिषेक गर्न लागेका छन् । योसँगै उनले औपचारिक रुपमा बेलायतको राजगद्दी सम्हाल्नेछन् । कोहिनूर गत वर्ष बेलायतकी महारानी एलिजाबेथ द्वितीयको मृत्युपछि राजा चार्ल्सकी श्रीमती डचेस अफ कर्नवाल क्यामिलालाई हस्तान्तरण गरिएको थियो। तर अब उनले यो राज्याभिषेक समारोहमा कोहिनूर जडित मुकुट नलगाउने खबर आएको छ ।

बकिंघम प्यालेसले मंगलबार एक विज्ञप्ति जारी गर्दै महारानी कन्सोर्ट क्यामिलाले मेमा राजा चार्ल्सको राज्याभिषेकमा रानी मेरीको मुकुट लगाउने बताएको छ। यो मुकुट १०० वर्षभन्दा पुरानो हो र उनले सन् १९११ को राज्याभिषेकमा लगाएकी थिइन् । यद्यपि, मे ६ मा राजा चार्ल्सको राज्याभिषेकमा यो मुकुटमा केही परिवर्तन गरिनेछ।

बकिङ्घम प्यालेसले एक विज्ञप्तिमा भनेको छ कि लन्डनको टावरबाट रानी मेरीको मुकुट हटाइनेछ र यसमा रहेका रत्नहरू परिवर्तन गरिनेछ, त्यसपछि मात्र रानी क्यामिलाले राज्याभिषेक समारोहमा लगाउनेछिन् । वास्तवमा, रानी एलिजाबेथ द्वितीयले यस वर्षको सुरुमा क्यामिलालाई रानी कन्सोर्ट भनेर चिनिने घोषणा गरेकी थिइन्। यद्यपि, ७५ वर्षीया क्यामिलासँग कुनै संवैधानिक अधिकार हुनेछैन।

कोहिनूर हीरा १०५.६ क्यारेटको छ । यसलाई संसारको सबैभन्दा ठूलो हीरा मानिन्छ। यो हिरा १४ औं शताब्दीमा आन्ध्र प्रदेशको खानीमा भेटिएको भनिन्छ तर पञ्जाबमा बेलायती कब्जा भएपछि सन् १८४९ मा यो हीरा तत्कालीन बेलायतकी महारानी भिक्टोरियालाई हस्तान्तरण गरिएको थियो ।

पछि यो कोहिनूर शाही मुकुटमा सम्मिलित भयो। बेलायतको यस शाही मुकुटमा कोहिनूर बाहेक अन्य धेरै बहुमूल्य र दुर्लभ हीरा र रत्नहरू जडिएका छन्। त्यसबेला देखि कोहिनूर बेलायतको शाही मुकुटमा सम्मिलित छ। तर भारत सहित चार देशले कोहिनूरलाई आफ्नो दाबी गर्छन्।

महारानी एलिजाबेथ द्वितीयको मृत्युपछि फेरि एकपटक भारतमा कोहिनूर फिर्ता गर्ने माग उठ्न थाल्यो । महारानीको मुकुटमा विश्वका धेरै दुर्लभ र बहुमूल्य हीरा र रत्नहरू जडिएका छन्, जसमा कोहिनूरसँगै अफ्रिकाको सबैभन्दा बहुमूल्य हीरा कोहिनूर ग्रेट स्टार अफ अफ्रिका पनि छन्। यसको मूल्य ४०० मिलियन डलर अनुमान गरिएको छ। त्यस्तै अफ्रिकाले पनि बेलायतको शाही मुकुटमा राखिएको आफ्नो बहुमूल्य हीरा ग्रेट स्टार अफ अफ्रिका फिर्ता गर्न माग गरेको छ ।

वास्तवमा भारत र अफ्रिका बेलायती उपनिवेश राष्ट्र हुन् जहाँ पहिले ब्रिटिश शासन स्थापना भएको थियो। भारतले कोहिनूरमाथि आफ्नो कानुनी अधिकार दाबी गर्दै लामो समयदेखि बेलायतलाई फिर्ता गर्न माग गर्दै आएको छ । यससँगै अफ्रिकाले ग्रेट स्टार अफ अफ्रिकालाई फिर्ता गर्न पनि माग गरेको छ ।