मकवानपुर, फागुन ११ ।  राक्सिराङ गाउँपालिका-५ दोबानस्थित सडकबाट अवैध लागूऔषध अफिम जस्तो देखिने वस्तु करिब ३ किलोग्राम बिहीबार बिहान प्रहरीले बरामद गरेको छ । 

ईलाका प्रहरी कार्यालय मनहरीबाट खटिएको प्रहरीलाई देख्नासाथ हाल नम्बर नखुलेको मोटरसाइकलमा आउँदै गरेका व्यक्तिले झोला फाली फरार भएपछि जाँच गर्ने क्रममा उक्त वस्तु फेला पारी प्रहरीले बरामद गरेको हो । 

हाल फरार मोटरसाइकल चालकको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।