काठमाडौं, फागुन १२ ।  नेकपा (एमाले)का अध्यक्ष केपी शर्मा ओलीले आफ्नो दल एमालेले राष्ट्रपतिमा उम्मेदवारी दिने बताएका छन् । उनले शनिबार राष्ट्रपतिको उम्मेदवारी मनोनय गर्ने दिन उम्मेदवारी दिने बताएका हुन् ।

शुक्रबार संसद बैठकबाट बाहिरिने क्रममा सञ्चारकर्मीहरुसँग कुरा गर्दै अध्यक्ष ओलीले सत्ता गठबन्धन भित्रको किचलोका बारेमा जानकारी नभएको बताए । उनले भने, ‘बाहिर के भएको छ थाहा छैन । राष्ट्रपतिको निर्वाचनमा एमाले उम्मदवारी दिन्छ ।’

उनले सत्तासाझेदार दल माओवादी केन्द्रले कांग्रेससँग मिलेर पुरानै गठबन्धन ब्युँताउने तयारी गरिरहँदा ओली भने एमालेको तर्फबाट राष्ट्रपतिको उम्मेदवार दिने दाबी गरेका छन् ।