आइसिसी विश्वकप लिग २- आज पपुवा न्युगिनीसँग भिड्दै नेपाल
काठमाडौं, फागुन १५ । नेपालले आइसिसी विश्वकप लिग-२ त्रिकोणात्मक ओडिआई सिरिज अन्तर्गत आज पपुवा न्युगिनीसँग खेल्दैछ ।
दुबई इन्टरनेशल क्रिकेट स्टेडियममा हुने खेल नेपाली समय अनुसार मध्यान्ह ११ः४५ मा सुरु हुनेछ । नेपाल लिग-२ मा लगातार पाँचौं जित निकाल्ने सोचका साथ मैदान उत्रनेछ ।
मार्च २ (फागुन १८) मा घरेलु टोलीसँग नेपालको खेल हुनेछ । मार्च ३ (फागुन १९) मा पपुवा न्युगिनीसँग तेस्रो खेल खेल्ने नेपालले यूएई भ्रमणको अन्तिम खेलमा मार्च ६ (फागुन २२) मा घरेलु टोली यूएईसँग खेल्नेछ ।
शीर्ष पाँचमा रहँदै सोझै ओडिआई मान्यता जोगाउन नेपालले कम्तिमा पाँच खेल जित्नुपर्ने हुन्छ । यता पपुवा न्युगिनी पुछारमा रहँदै क्वालिफायर प्लेअफ खेल्ने पक्का भएको छ ।
प्रकाशित मिति: सोमबार, फागुन १५, २०७९ ११:२५
प्रतिक्रिया दिनुहोस्
थप खेलकुद
साताको लोकप्रीय
