काठमाडौं, फागुन १७ ।  सामाजिक अभियन्ता तारा बरालमाथि आज कुटपिट भएको छ । बैदेशिक रोजगार बिभाग भित्रै म्यानपावर व्यवसायीले अभियन्ता तारा बराललाई कुटपिट गरेका थिए ।

वैदेशिक रोजगार व्यवसायीहरुको लाइसेन्स खोस्न माग गर्दै वैदेशिक रोजगार विभागमा दबाब दिन पुगेकी बराल सहित, उनको समूहका केहि जनामाथि परिसर भित्रै कुटपिट हुन थालेपछि प्रहरीले बराल समूहका ४-५ जना र वैदेशिक रोजगार व्यवसायी १ जनालाई नियन्त्रणमा लिएको थियो ।

बराल समूहले मेनपावरहरुको लाइसेन्स खारेज गर्नुपर्ने र नेपालीलाई वैदेशिक रोजगारमा जान रोक लगाउनुपर्ने माग राखेको थियो । उनको अहिले ट्रमा सेन्टरमा उपचार हुँदैछ ।