काठमाडौं, फागुन १७ ।  नेपाल क्रिकेट संघ क्यानले सन्दीप लामिछानेलाई आईसीसी विश्वकप लिग-टू अन्तर्गत यूएईमा चलिरहेको त्रिकोणत्मक शृंखलाका बाँकी खेल खेल्नका लागि पठाउने भएको छ ।

यूएई र पपुवा न्युगिनी सम्मिलित शृंखला खेलिरहेका १  खेलाडी घाइते भएकाले उनको ठाउँमा सन्दीपलाई पठाउने तयारी गरिरहेको क्यानका कार्यवाहक सचिव दुर्गा पाठकले जानकारी दिएका छन ।

सन्दीपको भिसा पनि आइसकेको पाठकले जानकारी दिएका छन । सन्दीप टिमको अन्तिम १६ मा रहेको र अदालतले उनलाई विदेश जाने अनुमति पनि दिएका कारण उनलाई सिरिजका लागि यूएई पठाउन लागिएको हो पाठकले जानकारी दिएका छन ।

नाबालिग बलात्कारको आरोप लागेका सन्दीपलाई उच्च अदालतले धरौटीमा छाडे पनि विदेश जाने अनुमति दिएको थिएन । त्यसैले सन्दीप यूएई जान पाएका थिएनन् । तर सर्वोच्च अदालतले गत सोमबार उच्च अदालतको आदेश उल्ट्याउँदै सन्दीपलाई विदेश जान अनुमति दिए पछि क्यानले उनलाई यूएई पठाउन लागेको हो ।