काठमाडौं, फागुन १८ । युएईमा जारी रहेको आईसीसी विश्वकप लिग टू अन्तर्गतको यूएई त्रिकोणात्मक सिरिजमा आज बिहिबार नेपालले घरेलु टोली यूएईसँग खेल्दैछ । खेल नेपाली समय अनुसार मध्याहन्न ११:४५ मा दुबई इन्टरनेशल क्रिकेट स्टेडियममा सुरु हुनेछ ।

यस सिरिजको आफ्नो दोस्रो खेलमा नेपालले यूएईसँग खेल्न लागेको हो । पहिलो खेलमा नेपालले पपुवान्युगिनीलाई पराजित गरेको थियो भने युएई पपुवान्युगिनीसँग ठूलो रन रेटले पराजित भएको थियो । अब नेपालले लिग २ का बाँकी सबै सात खेलमा विजयी हुँदा ४२ अंकमा पुग्नेछ । नेपाल सबै खेलमा विजयी हुँदा शीर्ष तीन स्थान पक्का हुनेछ । नेपाल सबै खेलमा विजयी हुँदा र युएईले बाँकी ६ खेल जित्दा ३९ अंकमा मात्र पुग्न सक्छ ।

स्पिनर सन्दीप लामिछाने बुधबार दिउँसो युएई पुगेका छन् । नेपालले आज एक प्रमुख स्पिनर खेलाउन सक्छ । सन्दीप आजको खेलमा उपलब्ध हुन्छन् वा हुँदैनन् निश्चित छैन । कुनैपनि खेलाडी परिवर्तन गर्न एकदिन अघि नै आइसिसीले स्वीकृति दिएको हुनुपर्छ ।