काठमाडौं, फागुन १८ ।  राष्ट्रपतिका उम्मेदवार सुवासचन्द्र नेम्वाङ सहित नेकपा एमालेका नेताहरु भोट माग्न नेकपा एकीकृत समाजवादीको कार्यालयमा पुगेका छन् ।

राष्ट्रपतिका उम्मेदवार नेम्वाङ, एमाले उपाध्यक्ष विष्णु पौडेल, प्रवक्ता एवं उपमहासचिव पृथ्वीसुब्बा गुरुङ लगायतका नेता नेकपा एकीकृत समाजवादीका  अध्यक्ष माधव कुमार नेपाललाई भेट्न आलोक नगरस्थित पार्टी कार्यालय पुगेका हुन । 

राष्ट्रपति निर्वाचनअन्तर्गत यही फागुन २५ गते मतदान हुँदैछ ।

एमाले नेताहरुले आजै १ बजे राष्ट्रिय स्वतन्त्र पार्टीका नेताहरूसँग भोट माग्न जानेछन । यस्तै आजै दिउँसो साढे २ राष्ट्रिय प्रजातन्त्र पार्टीका नेताहरूलाई भेटेर भोट माग्ने नेताहरूले बताएका छन् ।