काठमाडौं, फागुन १९। नेपाल क्रिकेट संघ (क्यान)ले आईसीसी यू-१९ विश्वकपमा छनोट भएका खेलाडीलाई  बधाई दिँदै जनही एक/एक लाख रुपैयाँ दिने घोषणा गरेको छ।

आईसीसी यू-१९ वर्षमुनिको विश्वकप एसिया छनोटमा हिजो बिहीबार भएको खेलमा यूएईलाई ७ रनको जित निकाल्दै नेपाल आगामी वर्ष श्रीलंकामा हुने युवा विश्वकपमा छानिएको हो । क्यानले खेलाडीहरुलाई आवश्यक सहयोग प्रदान गरी उनीहरुको मनोबल बढाउन नेपाल सरकारलाई पनि आग्रह गरेको छ ।

नेपालले पहिलो खेलमा सिङ्गापुरलाई ९६, दोस्रो खेलमा कुवेतलाई २४३, तेस्रो खेलमा हङकङलाई ९ विकेट र चौथो खेलमा मलेसियालाई १० विकेटले हराएको थियो । यसअघि नेपालले सन् २०१६ मा बंगलादेशमा भएको विश्वकप खेलेको थियो ।