काठमाडौं, फागुन १९ । इन्टेरियर सम्बन्धी सेवामा अग्रणी कम्पनी युएचएस होल्डिङ हेफेल डिजाइन स्टुडियोको शुभारम्भ गरेको छ ।

यहि फाल्गुन १८ गते बिहीबार गैरीधारास्थित हेफेल सोरुममा आयोजित एक समारोहबीच हाफेले दक्षिण एसियाका प्रबन्ध निर्देशक फ्र्याङ्क सोडर एवं युएचएस होल्डिङका अध्यक्ष पुरुषोत्तम न्यौपानेले यसको  संयुक्त उद्घाटन गर्नुभएको थियो ।

हेफेलको नेपालस्थित फ्रेन्चाइजको रुपमा रहेको यस नयाँडिजाइन इस्टुडियोमा आर्किटेक्चरल हार्डवेयर, ग्लास फिटिंग, फर्निचर फिटिंग, डिजिटल सेक्युरिटी लाइटिंग, किचेन फिटिङ लगायत अन्य सम्बन्धित उत्पादनहरू “रियल टाइम“ ढंगमा उपलब्ध छन् ।

उक्त कार्यक्रममा हेफेल एवं युएचएस होल्डिङका प्रतिनिधिहरुले समुन्नत प्रविधि र उत्कृष्ट कार्यकौशलता सम्पन्नका उत्पादनहरूले विश्वका प्रसिद्ध वास्तुकार एवं इन्टेरियर डिजाइनरहरूलाई अभिप्रेरित गरेको बताए । त्यसैगरी, उनीहरूले यस ब्राण्ड आफ्ना ग्राहकहरू प्रति पनि प्रतिवद्ध रहेको जानकारी दिए ।

“हामी हेफेल जस्तो इन्टेरियर सेवाको लागि अन्तर्राष्ट्रियरूपमा ख्याति प्राप्त ब्राण्डसँग आवद्ध हुन पाउँदा हर्षित एवं गौरवान्वित छौ, युएचएस होल्डिङका अध्यक्ष पुरुषोत्तम न्यौपान भन्नुहुन्छ । नयाँ हेफेल डिजाइन स्टुडियो ग्राहकहरूलाई नवीनतम उत्पादनहरू प्रदान गदै उनीहरूको जीवनशैलीलाई नयाँउचाइमा पुर्याउन मद्दत गर्नेछ

युएचएस होल्डिङ उच्चस्तरीय बाथरुम, सिलिङ र रेलिङ फर्निचर लगायतका इन्टेरियर सम्बन्धी उत्पादनहरू प्रदान गरिरहेको छ ।