शहीद स्मारक ‘ए’ डिभिजन लिग
शहीद स्मारक ‘ए’ डिभिजन लिगमा आज तीन खेलहरु हुँदै
काठमाडौं, फागुन २१ । शहीद स्मारक ‘ए’ डिभिजन लिग फुटबल प्रतियोगिता अन्तर्गत आज आइतबार तीन खेलहरु हुँदैछ । लिग अन्तर्गत त्रिपुरेश्वरस्थित दशरथ रंगशालामा दुई खेल हुनेछ भने च्यासल मैदानमा एक खेल हुनेछ ।
दशरथ रंगशालामा हुने पहिलो खेलमा त्रिभुवन आर्मी क्लब र संकटा क्लबबीच प्रतिस्पर्धा हुनेछ । खेल दिउँसो २:३० बजे सुरु हुनेछ । दशरथ रंगशालामा हुने दोस्रो खेलमा साविक विजेता मछिन्द्र फुटबल क्लब र जावलाखेल युथ क्लवबीच प्रतिस्पर्धा हुनेछ ।
मछिन्द्र र जावलाखेलबीचको खेल साँझ ५ः३० बजे सुरु हुनेछ । च्यासल मैदानमा हुने एक मात्र खेलमा न्युरोड टिम एनआरटी र सातदोबाटो युथ क्लबबीच प्रतिस्पर्धा हुनेछ । हिजो भएको खेलमा मनाङ मर्स्याङ्दी क्लब र हिमालयन शेर्पा क्लबले १–१ गोलको बराबरी खेलेका छन् ।
प्रकाशित मिति: आइतबार, फागुन २१, २०७९ ११:२२
प्रतिक्रिया दिनुहोस्
थप खेलकुद
साताको लोकप्रीय
