सहिद स्मारक ‘ए’ डिभिजन लिगमा आजदेखि दोस्रो राउन्डका खेलहरु
एन्फा कम्प्लेक्स सातदोबाटो र च्यासल मैदानमा एक एक खेल
काठमाडौं, फागुन २३ । सहिद स्मारक ‘ए’ डिभिजन लिग फुटबलमा आजदेखि दोस्रो राउन्डका खेलहरु सुरु हुँदैछ ।
आज हुने दुईवटा खेलमध्ये एउटा खेल एन्फा कम्प्लेक्स सातदोबाटो र अर्को खेल च्यासल मैदानमा हुनेछ । सातदोबाटोस्थित एन्फा कम्प्लेक्समा दिउँसो २ः३० बजे क्लब चर्च ब्वाइज युनाईटेड र एफसी खुमलटार भिड्दैछन् । चर्च ब्वाइज ‘बी’ डिभिजनको च्याम्पियन तथा खुमलटार उपविजेता हो ।
यस्तै दिउँसो २ः३० बजे च्यासल मैदानमा ललितपुर डर्वीको थ्री स्टार र फ्रेन्ड्स क्लबबीच प्रतिस्पर्धा हुँदैछ । फ्रेन्ड्सले पहिलो खेलमा खुमलटारसँग हार ब्यहोरेको थियो । थ्री स्टार एपीएफ क्लबसँग पराजित भएको थियो ।
प्रकाशित मिति: मंगलबार, फागुन २३, २०७९ १३:००
प्रतिक्रिया दिनुहोस्
थप खेलकुद
साताको लोकप्रीय
