एकान्तकुनास्थित यातायात कार्यालयको सेवा बिहान ८ बजेदेखि सुरु गर्ने तयारी
ललितपुर, फागुन २४ । ललितपुरको एकान्तकुनास्थित यातायात व्यवस्था कार्यालयले बिहान ८ बजेदेखि नै सेवा सुरु गर्ने तयारी गरेको छ। कार्यालयमा सधैँ कार्यालय समयभन्दा घण्टौँ पहिले नै सेवाग्राही लाममा हुने गरेकाले भीडभाड व्यवस्थापनका लागि बिहान चाँडै सेवा सुरु गर्ने योजना बनाइएको हो ।
बिहान ८ बजेदेखि खुल्दा सेवाग्राही लाइनमा बस्नु नपर्ने र उनीहरुले थोरै समयमा काम गरिसक्ने कार्यालयले जनाएको छ । बिहानदेखि सेवा सुरु गर्नेबारे अहिले छलफल भइरहेको कार्यालयले जनाएको छ । सेवा प्रवाह कार्यालय समयमा हुने भए पनि सेवाग्राही बिहान छ बजेदेखि लाममा बस्ने गरेको छ ।
कार्यालयले दैनिक तीनदेखि साढे तीन सय टोकन बाँड्ने गरेको छ । त्यो बाहेक टाढाबाट आएको जाममा परेको वा तुरुन्त अनुमतिपत्र चाहिने सेवाग्राहीलाई टोकन नभए पनि अवस्था हेरेर सेवा दिइनेछ ।
प्रकाशित मिति: बुधबार, फागुन २४, २०७९ १६:३५
प्रतिक्रिया दिनुहोस्
थप यातायात
साताको लोकप्रीय
