काठमाडौं, फागुन २९ । हिन्दू धर्ममा देवीदेवताहरूलाई प्रसन्न पार्न र आशीर्वाद प्राप्त गर्न पूजा गरिन्छ । पुजा गर्दा फूल चढाउने चलन हजारौं वर्षदेखि चलिआएको छ । कुनै पनि शुभ कार्य र पूजामा देवताहरूलाई मनपर्ने फूल चढाएर सजिलै प्रसन्न हुन्छन् । हिन्दू धार्मिक शास्त्र अनुसार विभिन्न प्रकारका फूलहरू सबै देवीदेवतालाई प्रिय हुन्छन्। देवताहरूलाई फूल चढाउने नियम पनि धार्मिक शास्त्रहरूमा तोकिएको छ।

पूजामा यी फूलको प्रयोग गर्नुहोस्
भगवान गणेशलाई प्रथम उपासक र बाधाहरू हटाउने देवता भनिन्छ । भगवान गणेश प्रसन्‍न हुनुभयो भने, आफ्ना भक्तहरूको सबै दुःखकष्टहरू हट्ने जनविश्वास रहेको छ । भगवान गणेशको पूजामा रातो घण्टीको फूल चढाउनु शुभ मानिन्छ । यो फूललाई ​​भगवान गणेशको प्रिय फूल मानिन्छ । यसबाहेक चमेली र पारिजातको फूल पनि गणेशको पूजामा चढाउन सकिन्छ।

विष्णुलाई पृथ्वीको रक्षक भनिन्छ। भगवान विष्णुका सयौं नाम छन्। श्रीहरि विष्णुको पूजा गर्दा उहाँलाई फूल चढाएर प्रसन्‍न भई आफ्ना भक्तहरूलाई आशीर्वाद दिनुहुन्छ। भगवान विष्णुको पूजामा जुही, अशोक, चम्पा, वैजयन्तीका फूल चढाउनुपर्छ । यी फूलहरू भगवान विष्णुलाई चढाउँदा सौभाग्य प्राप्त हुने जनविश्वास छ ।

माता दुर्गालाई पृथ्वीमा शक्तिकी अधिष्ठात्री देवी मानिन्छ। ब्रह्माण्डमा जति पनि शक्ति छ, त्यो सबै माता दुर्गाकै कारणले भएको हो भनिन्छ, त्यसैले माता दुर्गाको पूजामा विशेष ध्यान दिनु पर्दछ । देवी दुर्गाको पूजा गर्दा रातो गुलाफ र घण्टीको फूल चढाएर प्रसन्न हुने शास्त्रमा भनिएको छ। यसबाहेक माता दुर्गालाई अपराजिता फूल, चम्पा र सेतो कमल  पनि चढाउन सकिन्छ।

यस्तै भगवान शिवलाई हिन्दू धर्ममा भगवान शिवलाई विशेष मानिन्छ । भगवान शिव आफ्ना भक्तहरूमाथि सजिलै प्रसन्न हुने विश्वास छ, त्यसैले उहाँलाई भोलेनाथ भनिन्छ। भगवान शिवको पूजामा धतुरोको फूल तथा सेतो रंगको फूल चढाउनु शुभ मानिन्छ। यसो गर्नाले व्यक्तिको दाम्पत्य जीवनमा आउने समस्याको अन्त्य हुने जनविश्वास रहेको छ ।