काठमाडौं, फागुन २९ । शहीद स्मारक ए डिभिजन लिग फुटबलमा आजदेखि चौथो चरणका खेल सुरु हुँदैछ । यसअन्तर्गत आज दुई खेल हुँदैछ ।

पहिलो खेल च्यासल मैदानमा हिमालयन शेर्पा क्लब र एफसी खुमलटारबीच प्रतिस्पर्धा हुनेछ । खेल दिउँसो २ः३० मा सुरु हुनेछ । आज हिमालयन दोस्रो जितको खोजीमा हुनेछ । हिमालयन ३ खेलमा ४ अंक जोडेर नवौं स्थानमा रहेको छ ।

यस्तै दोस्रो खेल रोयल ब्लु सातदोबाटो युथ क्लब र थ्री स्टार क्लबबीच प्रतिस्पर्धा हुनेछ । खेल साँझ ५ः३० बजे दशरथ रंगशालामा हुनेछ । सातदोबाटो लगातार चौंथो जित निकाल्ने योजनामा रहेको छ । सातदोबाटो ३ खेलमा ९ अंक जोडेर दोस्रो स्थानमा रहेको छ  ।