काठमाडौं, फागुन २९ ।  निर्वतमान राष्ट्रपति विद्यादेवी भण्डारी दोश्रो कार्यकाल पुरा गरि शितल निवासबाट बाहिरिएकी छन् ।

नवनिर्वाचित राष्ट्रपति रामचन्द्र पौडेलले शीतल निवासमा पद तथा गोपनियताको शपथ लिएपछि भण्डारी सम्मान सहित राष्ट्रपति भवनबाट बाहिरिएकी हुन् । शितल निवासबाट बाहिरिदा भण्डारीको सम्मानमा नेपाली सेनाले २१ तोपको सलामी अर्पण गरेको थियो ।

निर्वतमान राष्ट्रपति भण्डारी शितल निवासबाट बालुवाटारस्थीत छोरीको घरमा गएकी छन् । बूढानिलकण्ठ नगरपालिका वडा नम्बर २ चपलीस्थित भण्डारीको घरमा मर्मतको काम भइरहेको हुँदा उहा अहिलेका लागि छोरीको घरमा बसेकी हुन् ।