काठमाडौं, फागुन २९ । आइसिसी विश्वकप लिग-२ मा पपुवा न्युगिनीविरुद्धको खेलमा स्पिनर सन्दीप लामिछाने प्लेयर अफ द म्याच बनेका छन् । नेपाललाई ९ विकेटको जित दिलाउन सन्दीपले महत्वपूर्ण पाँच विकेट लिएका सन्दीपले प्लेयर अफ द म्याच अवार्ड जितेका हुन् ।
सन्दीपको उत्कृष्ट बलिङमा नै पपुवा न्युगिनी २२.५ ओभरमा ९५ रनमा अल आउट हुन पुगेको थियो । सन्दीपले १० ओभरमा १ मेडनसहित २५ रन खर्चेर ५ विकेट लिए । सन्दीपले तेस्रो पटक ओडिआईमा पाँचमाथि विकेट लिएका हुन् ।
म्याच अफ द म्याचको अवार्ड लिएपछि सन्दीप भावुक बनेका थिए । उनले आँशु पुछ्दै नेपालका लागि खेल्न पाउनु आफ्नो भाग्य रहेको बताए । ‘भविष्यमा पनि म आफ्नो देशका लागि योगदान दिन चाहन्छु,’ उनले भने । उनले टिमभित्र नयाँ प्रशिक्षक मोन्टी देसाईंले सकारात्मक वातावरण बनाएको पनि प्रष्ट पारे ।
तस्विर : क्यान
