काठमाडौं, फागुन ३० ।  सहिद स्मारक ए डिभिजन लिगमा शीर्ष स्थानको चर्च ब्वाइज युनाइटेडको जित यात्रा रोकिएको छ।

एन्फा कम्प्लेक्स सातदोबाटोमा भएको खेलमा चर्च ब्वाइजले संकटा क्लबसँग गोलरहित बराबरी खेलेको हो।

संकटाका मनिष डाँगीले दोस्रो हाफको अन्तिम मिनेटमा पेनाल्टी मिस गरेका थिए। उनको पेनाल्टीलाई चर्च ब्वाइजका गोलकिपर प्रिसोले विफल पारे।

चर्च ब्वाइजले यसअघि लगातार तीन खेलमा जित निकालेको थियो। संकटा भने दोस्रो खेलमा बराबरीमा रोकिएको हो।

संकटाले एक खेलमा जित र एक खेल हार पनि बेहोरेको छ।