काठमाडौं, चैत ९ । आज सुन तथा चाँदीको मूल्य बढेको छ। हिजो बुधबार प्रतितोला दुई हजार रुपैयाँले घटेको सुनको मूल्य आज प्रतितोला एक हजार दुई सय रुपैयाँले बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख नौ हजार रुपैयाँ र तेजाबी सुन प्रतितोला एक लाख आठ हजार पाँच सय रुपैयाँमा कारोबार भइरहेको छ। बुधबार छापावाल सुन प्रतितोला १ लाख ७ हजार ८ सय रुपैयाँ र तेजाबी सुन प्रतितोला १ लाख ७ हजार ३ सय रुपैयाँमा कारोबार भएको थियो।

यस्तै आज बिहीबार चाँदीको मूल्य पनि बढेको छ । बुधबारको तुलनामा आज चाँदी प्रतितोला २५ रुपैयाँले बढेको छ । आज चाँदी प्रतितोला १२ सय ६० रुपैयाँमा कारोबार भइरहेको छ। बुधबार चाँदी प्रतितोला १२ सय ३५ रुपैयाँमा कारोबार भएको थियो।