खेलकुद
एसीसी प्रिमियर कपको खेल तालिका सार्वजनिक,नेपाल समूह 'ए' मा
एसीसीले बिहीबार सार्वजनिक गरेको ड्र अनुसार नेपाल समूह 'ए' मा परेको छ । समूह 'ए' मा नेपालसँगै ओमानसँगै मलेसिया, कतार र साउदी अरेबिया छन्
काठमाडौं, चैत ९ । एसियाली क्रिकेट काउन्सिलद्वारा आयोजित एसीसी प्रिमियर कपको खेलतालिका सार्वजनिक भएको छ । आगामी अप्रिल १८ देखि मे २ सम्म नेपालमा आयोजना हुने खेलमा नेपाल समूह 'ए' मा परेको छ ।
एसीसीले बिहीबार सार्वजनिक गरेको ड्र अनुसार नेपाल समूह 'ए' मा परेको छ । समूह 'ए' मा नेपालसँगै ओमानसँगै मलेसिया, कतार र साउदी अरेबिया छन् । यस्तै समूह 'बी' मा युएई, हङकङ, कुवेत, सिंगापुर र बहराइन छन् ।
प्रिमियर कपमा एसियाका टेष्ट खेल्ने बाहेकका १० एसोसिएट टोलीले प्रतिस्पर्धा गर्नेछन् । प्रतियोगिताका खेल त्रिवि क्रिकेट मैदान कीर्तिपुरमा र मुलपानी क्रिकेट मैदानमा हुने छन् ।
प्रकाशित मिति: बिहीबार, चैत ९, २०७९ १७:५४
प्रतिक्रिया दिनुहोस्
थप खेलकुद
साताको लोकप्रीय
