काठमाडौं, चैत १३ ।  आज सुनको भाउ घटेको छ । आइतबार तोलाको एक लाख नौ हजार दुई सय रुपैयाँमा कारोबार भएको छापावाल सुनको मूल्य आज तोलामा दुई सय रुपैयाँले घटेर प्रतितोला एक लाख नौ हजार रुपैयाँमा कारोबार भइरहेको छ ।

नेपाल सुनचाँदी व्यवसायी महासंघका अनुसार तेजावी सुनको भाउ पनि आज प्रतितोला दुई सय रुपैयाँले नै घटेर तोलाको एक लाख आठ हजार पाँच सय रुपैयाँमा किनबेच भइरहेको छ ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रू १० ले घटेर रू एक हजार तीन सय ६० मा आएको महासङ्घले जनाएको छ ।

आज प्रति १० ग्राम छापावाल सुनको भाउ ९३ हजार चार सय ५० रुपैयाँ, दश ग्राम तेजावी सुनको मुल्य ९३ हजार २० रुपैयाँ र प्रति १० ग्राम चाँदीको मुल्य एक हजार एक सय ६६ पैसा कायम भएको छ ।