​​

                  ट्युनिसिया, चैत १३ ।  ट्युनिसियाको तटीय क्षेत्रमा दुईवटा डुङ्गा पल्टिँदा कम्तीमा २९ आप्रवासीको मृत्यु भएको छ । यी सबै आप्रवासीहरू भूमध्यसागर पार गरेर इटाली पुग्ने प्रयास गरिरहेका थिए।

ट्युनिसियाको तटमा हालैको समयमा डुङ्गा डुबेको यो पछिल्लो घटना हो। पछिल्लो ४ दिनमा अहिलेसम्म ५ वटा डुङ्गा डुबेको घटना सार्वजनिक भएको छ । ट्युनिसियाले बिना कागजात इटाली जाने आप्रवासी माथि कारबाही गरेको यो पहिलो घटना हो।

इटालीका अधिकारीहरूले पछिल्लो २४ घण्टामा दक्षिणी इटालीको लाम्पेडुसा टापुमा रेकर्ड २,५०० आप्रवासी आइपुगेको बताएका छन्।