खेलकुद
ललितपुर मेयर कप क्रिकेट : मधेससंग ललितपुर १ विकेटले पराजित
यो जितसँगै मधेस ४ अङ्क जोडेर तालिकाको चौथो स्थानमा उक्लिएको छ । आयोजक ललितपुर अङ्क विहीन रहँदै तालिकाको पुछारमा छ
ललितपुर, चैत १३ । ललितपुर मेयर कप महिला टी-२० क्रिकेट प्रतियोगितामा मधेस प्रदेशले ललितपुर मेयर्स-११ लाई १ विकेटले हराएको छ ।
ललितपुरले दिएको ९७ रनको लक्ष्य मधेसले ९ विकेट गुमाएर १९ ओभर २ बलमा भेटायो । मधेसका लागि सरस्वती कुमारीले नटआउट ३२ रन बनाइन् । बलिङतर्फ ललितपुरकी सोनी पाख्रिन र कृतिका मरासिनीले २/२ विकेट लिए ।
यसअघि कीर्तिपुरको त्रिवि क्रिकेट मैदानमा टस जितेर ब्याटिङ गरेको ललितपुरले निर्धारित २० ओभरमा ५ विकेट गुमाएर ९६ रन बनायो । ललितपुरका लागि सोनी पाख्रिनले सर्वाधिक ३४ रन बनाइन् । बलिङतर्फ मधेसकी सरस्वती कुमारीले २ विकेट लिइन् ।
यो जितसँगै मधेस ४ अङ्क जोडेर तालिकाको चौथो स्थानमा उक्लिएको छ । आयोजक ललितपुर अङ्क विहीन रहँदै तालिकाको पुछारमा छ ।
प्रकाशित मिति: सोमबार, चैत १३, २०७९ १६:०१
प्रतिक्रिया दिनुहोस्
थप खेलकुद
साताको लोकप्रीय
