काठमाडौँ, चैत १५ । एसीसी प्रिमियर कप खेल्ने नेपालको प्रारम्भिक टोली घोषणा भएको छ ।
नेपाल क्रिकेट संघ (क्यान)ले आज प्रिमियर कपका लागि रोहित पौडेलको कप्तानीमा २१ सदस्य प्रारम्भिक टोली घोषणा गरेको हो । घोषणा टोलीमा युवा ब्याटर देव खनाल टोलीमा फर्किएका छन् ।
वैशाख ५ देखि १८ गतेसम्म (१८ अप्रिल देखि १ मे) सम्म हुने प्रतियोगिता कीर्तिपुरस्थित टियु मैदान र मुलपानीमा रहेको क्रिकेट मैदानमा संचालन हुनेछ । एसियन क्रिकेट काउन्सिल (एसीसी) को आयोजनामा हुने उक्त प्रतियोगितामा कुल २४ खेल हुनेछ । अन्तिम खेल कीर्तिपुरस्थित टियु मैदानमा वैशाख १८ गते हुनेछ ।
समूह 'ए' मा आयोजक नेपाल सहित ओमान, कतार, मलेसिया र साउदी अरेविया छन् । समूह बी मा युएई, हङकङ, कुवेत, सिंगापुर र बहराइन छन् । नेपालले पहिलो खेल मलेसियासँग वैशाख ५ गते टियु क्रिकेट मैदानमा खेल्नेछ ।
नेपाली टोली :
रोहित पौडेल, कुशल भुर्तेल, भिम सार्की, आसिफ शेख, प्रतिष जिसी, ज्ञानेन्द्र मल्ल, ललित राजवंशी, सन्दीप जोरा, कुशल मल्ल, श्याम ढकाल, आरिफ शेख, कमल सिंह ऐरी, दीपेन्द्र सिंह ऐरी, अर्जुन साउद, गुलशन झा, सुर्य तामाङ,सोमपाल कामी, किशोर महतो, करण केसी, देव खनाल, सन्दीप लामिछाने ।
