काठमाडौं, चैत १६ । राष्ट्रिय स्वतन्त्र पार्टी (रास्वपा) का नेता गणेश कार्कीले निर्वाचन परिचालन समिति संयोजकबाट राजीनामा दिएका छन् ।

बारा–२ को निर्वाचन परिचालन समिति संयोजक रहेका कार्कीले एक विज्ञप्ति जारी गर्दै आफूले व्यक्तिगत तथा स्वास्थ्यका कारणले राजीनामा दिएको बताएका छन् ।

कार्कीले स्वास्थ्यको कारणले गर्दा आफूले पार्टीले दिएको बारा २ निर्वाचन संयोजकको आवश्यक जिम्मेवारी बहन गर्न नसक्ने हुँदा सो पदमा रहिरहनु पार्टीका लागि नोक्सान हुन सक्ने भएकाले पदबाट राजिनामा दिएको बताएका छन् । यसअघि कार्कीले समानुपातिक सांसद छनोट प्रक्रियामा असन्तुष्टी जनाएका थिए ।