काठमाडौं, चैत १९ । जप र तपस्या पुरातन समयदेखि हिन्दू धर्मको एक महत्वपूर्ण अंश हो । मालाको जप गर्नाले भक्तजनको मनमा शान्ति बढ्छ र भगवानसँग नजिक हुने जनविश्वास रहेको छ ।

मालाले जप गर्दा भगवानको नाम लिनु शुभ मानिन्छ । मालामा जप गर्ने सबैको तरिका फरक फरक छ । तर हिन्दू धर्मशास्त्रमा माला जपका केही नियमहरू छन् । सामान्यतया मालामा १०८ मोती हुन्छन् । यी दानाहरू समाप्त नभएसम्म निरन्तर नामजप गर्नुपर्छ ।

मालाद्वारा जप गर्दा ध्यानमा राख्नुहोस् कि तपाईंले मालालाई आफ्नो हातमा राम्ररी समातेको हुनुपर्छ । तपाईको माला नाभिको तल जानु हुँदैन र नाकको माथि पनि राख्नु हुँदैन । अनि तपाइले मालालाई छातीमा टाँसेर जप पनि गर्नु हुँदैन । मन्त्र जप धेरै छिटो वा धेरै बिस्तारै गर्नु हुँदैन । जप गर्दा मुख पूर्व वा उत्तर दिशामा राख्नुपर्छ ।

यस बाहेक माला जप गर्दा ध्यान विचलित हुँदैन । यदि आँखा खोलेर नामजप गरिरहनुभएको छ भने ध्यान भगवानमा केन्द्रित राख्नुपर्छ । आँखा बन्द गरेर नामजप गरिरहनुभएको छ भने तपाईको आँखामा भगवानको छवि केन्द्रित हुनुपर्छ। भगवानको नाम, रूप, लीला र धाम जप गर्दा चार मध्ये कुनै एकको चिन्तन गर्नुपर्छ ।  माला सधैं आफ्नो हुनुपर्छ। अरू कसैको माला प्रयोग नगर्नुहोस् । जुन मालाले मन्त्र जप्छौ त्यो माला लगाउँनु हुँदैन ।

जप गर्नको लागि रुद्राक्षको माला जपका लागि उत्तम मानिन्छ। किनभने यसको प्रत्यक्ष सम्बन्ध रुद्र अर्थात् भगवान शिवसँग सम्बन्धित छ । मालामा मोती संख्या कम्तिमा २७ वा १०८ हुनुपर्छ, प्रत्येक मोती एक गाँठद्वारा पछ्याउन पर्छ। नामजप गर्दा भूलवश पनि हातबाट माला खस्न दिनु हुँदैन । मालालाई जमिनमा राख्नु पनि हुँदैन । मालालाई झोला वा बक्समा मात्र राख्नुहोस्।

जप गर्नु अघि के गर्ने ?
जप गर्नु अघि मालालाई शुद्ध गर्न आवश्यक छ । त्यसैले जप गर्नुअघि आफ्नो मालामा गंगा जल छर्केर शुद्ध गर्नुहोस्। मन्त्र जप गर्नु अघि हातमा माला लिएर प्रार्थना गर्नुपर्छ ताकि गरिएको जप सफल होस् । तपाई जहाँ बसेर जप गर्नुहुन्छ त्यो ठाउँ सफा राख्नु धेरै जरुरी छ, त्यसपछि त्यही ठाउँमा सफा आसनमा बसेर नामजप गर्नुपर्छ । ध्यान राख्नुहोस् कि तपाईले एउटा मालाले एउटा मन्त्र जप्दै हुनुहुन्छ भने त्यो मालाले अर्को मन्त्र जप्नु हुँदैन।