काठमाडौं, चैत २० । शहीद स्मारक ए डिभिजन लिग फुटबलको छैटौं चरणका खेलहरु आज सोमबारबाट शुरु हुँदैछन् । लिग अन्तर्गत पहिलो चरणमा आज दुई खेल हुँदैछन् । पहिलो खेल  च्यासल मैदानमा र दोस्रो खेल एन्फा कम्प्लेक्समा हुँदैछ ।

च्यासल मैदानमा दुई विभागीय टोली एपीएफ क्लब र नेपाल पुलिस क्लवबीच प्रतिष्पर्धा हुनेछ । खेल दिउँसो २ बजे शुरु हुनेछ । पाँच खेलबाट संकटा र नवप्रवेशी खुमलटार दुवैको समान ६ अंक छ ।  एपीएफ आज तेस्रो जितको खोजीमा हुनेछ । पुलिस भने लिगमा आज पहिलो जितको खोजीमा हुनेछ । १ अंक जोडेर पुछारमा रहेको पुलिस पहिलो ३ अंकको योजनामा रहेको छ ।

यस्तै, दिउँसो २ बजे नै सुरु हुने दोस्रो खेल एन्फा कम्प्लेक्समा संकटा क्लब र एफसी खुमलटारबीच प्रतिष्पर्धा हुनेछ । संकटा दोस्रो जितको योजनामा हुनेछ । संकटा ५ खेलमा ६ अंक जोडेर आठौं स्थानमा रहेको छ ।