काठमाडौं, चैत २० । नेपाली बजारमा आज सुनको मूल्य घटेको छ । नेपाल सुनचाँदी तथा व्यवसायी महासंघकाअनुसार आज सुनको मूल्य प्रतितोला ६ सय रुपैयाँ घटेको छ ।

आज छापावाल सुन ६ सय रुपैयाँले घटेर प्रतितोला १ लाख ८ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।आइतबार उक्त सुन प्रतितोला १ लाख ८ हजार ६ सय रुपैयाँमा कारोबार भएको थियो ।

यस्तै, तेजाबी सुनको मूल्य आज प्रतितोला एक लाख ७ हजार ५ सय रुपैयाँ तोकिएको छ । आइतबार एक लाख ८ हजार १ सय रुपैयाँमा कारोबार भएको थियो ।

आज चाँदीको मूल्य पनि घटेको छ । चाँदी तोलाको एक हजार ३९० रुपैयाँमा किनबेच भइरहेको महासंघले जनाएको छ । आइतबार चाँदीको मूल्य प्रतितोला १ हजार ४१० रुपैयाँ थियो ।