राजनीति
आज उम्मेदवारको अन्तिम नामावली प्रकाशन गरिँदै, उम्मेदवारले चुनाव चिह्न पनि पाउने
३३ जना राजनीतिक दलका उम्मेदवार छन् भने ३६ जना स्वतन्त्र उम्मेदवारले उम्मेदवारी दर्ता गराएका छन्
काठमाडौं, चैत २३ । वैशाख १० गते हुने प्रतिनिधि सभाको उपनिर्वाचनका लागि निर्वाचन आयोगले आज उम्मेदवारहरूलाई चुनाव चिह्न प्रदान गर्दैछ।
आयोगले यसअघि सार्वजनिक गरेको निर्वाचन कार्यक्रम अन्तर्गत आज उम्मेदवारहरूको अन्तिम नामावली प्रकाशन गरी उनीहरूलाई चुनाव चिह्न प्रदान गरिनेछ।
आज उम्मेदवारले चुनाव चिह्न पाएपछि उपनिर्वाचनको प्रचार प्रसार औपचारिक रुपमा सुरु हुनेछ। २०८० वैशाख १० गते बिहान ७ बजेदेखि साँझ ५ बजेसम्म मतदान हुने निर्वाचनको तालिका छ।
तनहुँ-१, बारा-२ र चितवन-२ मा आगामी वैशाख १० गते प्रतिनिधि सभा सदस्यका लागि हुने उपनिर्वाचनका लागि गत सोमबार उम्मेदवारी दर्ता भएको हो। ३३ जना राजनीतिक दलका उम्मेदवार छन् भने ३६ जना स्वतन्त्र उम्मेदवारले उम्मेदवारी दर्ता गराएका छन्।
प्रकाशित मिति: बिहीबार, चैत २३, २०७९ ११:५३
प्रतिक्रिया दिनुहोस्
साताको लोकप्रीय
