उदयपुर, चैत २६ । आज बिहान गाईघाट बजारको मुख्यचोकमा ट्रकको ठक्करबाट मोटरसाइकल चालकको मृत्यु भएको छ । 

जिल्ला प्रहरी कार्यालय उदयपुरका अनुसार ट्रकको ठक्करबाट मृत्यु हुनेमा मोटरसाइकल चालक त्रियुगा नगरपालिका–११ साउनेका ४३ वर्षीय तारणी थापामगर रहेका छन् । प्रदेश नं१–०५–००१प ६१५१ नंको मोटरसाइकलमा सवार मगरलाई गाईघाटबजारको मुख्य चोकबाट दक्षिणतिर जाँदै गर्दा पश्चिमबाट आइरहेको मे१ख २१८४ नंको ट्रकले ठक्कर दिएको थियो ।

ट्रक नजिक आएपछि मोटरसाइकलले बाटो काट्दा दुर्घटना भएको प्रत्यक्षदर्शीले बताएका छन् । ट्रक चालक झापा जिल्ला कन्काई सुरुङ्गा नगरपालिका–६ का ३८ वर्षीय भूपेन्द्र राजवंशी रहेको प्रहरीले जनाएको छ । ट्रक चालक राजवंंशीलाई नियन्त्रणमा लिएको सो कार्यालयका प्रमुख ज्ञानेन्द्र फुँयालले बताउनुभयो ।