काठमाडौं, चैत २६ ।  सहिद स्मारक 'ए' डिभिजन लिगमा साविक विजेता मछिन्द्रले सकंटा क्लबलाई पराजित गरेको छ। आइतबार दशरथ रंगशालामा भएको खेलमा मछिन्द्रले संकटामाथि २-१ गोलको जित हात पारेको हो। खेलको २०औ मिनेटमा विमल घर्तिमगरको गोलबाट मछिन्द्रले अग्रता लियो।

२ मिनेटमै संकटाले बराबरी गोल फर्कायो। संकटाका लागि मनिष डाँगीले बराबरी गोल फर्कायो। ४६ मिनेटमा ओलावाले अफिजले गोल गर्दै मछिन्द्रलाई २-१ गोलले अघि बढाए। जितसँगै मछिन्द्र ९ अंक जोडेर आठौं स्थानमा उक्लिएको छ। संकटा समान अंकका साथ सातौं स्थानमा छ।

यता एन्फा कम्प्लेक्स सातदोबाटोमा भएको खेलमा हिमालयन शेर्पामाथि न्युरोड टिम (एनआरटी) माथि २-१ गोलकै जित निकाल्यो। खेलमा अग्रता भने शेर्पाले लियो। शेर्पाका खमिर कन्डङवाले १४ मिनेटमा गोल गर्दै आफ्नो टिमलाई अग्रता दिलाए। 

एनआरटीका लागि रोहन खड्गीले ६७ मिनेटमा बराबरी गोल गरे। १ मिनेट बाँकी छदा जेनिस प्रजापतिले गोल गर्दा एनआरटी २-१ गोलले अघि रह्यो। 

लिगमा पहिलो जितपछि एनआरटी रेलिगेसन जोन छोड्न सफल भयो। एनआरटी ६ अंक जोडेर १२औं स्थानमा छ। यता शेर्पा पनि ६ अंक जोड्दै दशौं स्थानमा छ।