काठमाडौं, चैत २८ । शहिद स्मारक ए डिभिजन लिग फुटबलमा आज आठौं चरणका खेल शुरु हुँदैछन् । आठौं चरणका खेल अन्तर्गत आज एन्फा कम्प्लेक्समा एक र च्यासल मैदानमा एक गरी दुई खेलहरु हुनेछन् ।

सातदोबाटोस्थित एन्फा कम्प्लेक्समा दिउँसो २ बजे जावलाखेल युथ क्लब र त्रिभुवन आर्मी क्लबबीच प्रतिस्पर्धा हुनेछ । जावलाखेल आज पाँचौं जितको योजनामा हुनेछ ।

यस्तै अर्को खेल साविक विजेता मछिन्द्र फुटबल क्लब र एफसी खुमलटारबीच च्यासल मैदानमा प्रतिस्पर्धा हुनेछ । खेल दिउँसो २ बजे नै सुरु हुनेछ । आज  मछिन्द्र ७ खेलमा ९ अंक जोडेर नवौं स्थानमा रहेको मछिन्द्र आज तेस्रो जित निकाल्ने योजनामा रहेको छ । खुमलटार ७ अंक जोडेर दशौँ स्थानमा रहेको छ ।