काठमाडौं, जेठ २८ । सिटिजन लाइफ इन्स्योरेन्स कम्पनीले केहीदिन अघि मात्र “डिजिटल सिटिजन” अभियान अन्तर्गत अनलाईन बीमा दाबी सेवाको शुभारम्भ गरेको थियो । हालको असहज परिस्थिती एवमं आजको आवश्यकतालाई ध्यानमा राख्दै आफ्नो सेवालाई समयानुकूल परिस्कृत गर्दै सहज तथा सर्वसुलभ गराउन थालिएको यस अभियान कम्पनीका सेवाग्राहीले निकै रुचाएका छन् ।
सिटिजन लाइफ इन्स्योरेन्स कम्पनी टीकापुर शाखाबाट बीमा गर्नुभएकी, टीकापुर नगरपालिका वडा नं १ ब्लकनम्बर ९ बस्ने श्रीमति शोभाकुमारी बमको हालसालै कोरोनाको कारण टीकापुर अस्पतालमा मृत्यु भएको थियो । बीमितका अभिकर्ताले अनलाईनबाटै दाबी प्रकृया अगाडि बढाउनुभएको थियो र सो अनुसारको दाबी रकम दाबीकर्तालाई कम्पनीले दुई कार्य दिनमै प्रदान गरेको छ ।
लकडाउनको समयमा उहाँका श्रीमान धुर्बराज खत्रीलाई सिटीजन लाइफ इन्स्योरेन्समा गरेको जीवन बीमाको दाबी फछ्र्यौट भरपाइमा हस्ताक्षर गराउन घरसम्म पुग्नु भएका क्षेत्रीय शाखा प्रमुख केशव राजगिरीले उल्लेखित लाभ रकम १० लाख, बोनस रकम ३५ हजार तथा काजकिरिया खर्च बापत ५० हजार रुपैयाँसम्म गरी १० लाख ८५ हजारको रकम दाबीकर्ता धु्रब खत्रीको बैकं खातामा अनलाइनमार्फत जम्मा गर्नुभएकोे र सोको निस्सा दाबीकर्तालाई हस्तान्तरण गरेको जानकारी गराउनु भयोे । बीमितले एक किस्ता बराबरको ७८ हजार सात सय ९७ रकम जम्मा गर्नुभएको थियो । रकम बीमितको खातामा जम्मा भइसकेको कुरा बीमितका श्रीमान धुर्बराज खत्रीले जानकारी गराउँनुभयो ।
कम्पनीले परिवारका सदस्यलाई बीमा वापतको रकम हस्तान्तरण गरे पश्चात सो रकमले परिवारका आश्रित सदस्यहरुको स्तरिय जीवनयापनका साथै सन्ततिको उच्च शिक्षा एवम् अन्य काम गर्न सहयोगी हुने कम्पनीका प्रमुख कार्यकारी अधिकृत पोषकराज पौडेलले उल्लेख गर्नुभएको छ । उहाँले सानो सानो रकम बचत गरेर परेका बेला जोखिम समेत बहन गर्न सक्ने रहेकाले बीमा सम्बन्धी चेतना बढाउनुपर्नेमा जोड दिनुभयो । उहाँले बीमित, अभिकर्ता लगायत अन्य सरोकारवालाहरुलाई गुणस्तरीय सेवा प्रदान गर्न सदैव प्रतिबद्ध रहेको र सोलाई आगामी दिनमा समेत निरन्तरता दिईने बताउनुभयो । साथ साथै कोरोना भाइरसले गर्दा निम्तिएको यस विषम परिस्थितीमा सबैलाई सावधान र सुरक्षित रहन सुझाव दिनुभएको छ ।
