काठमाडौं, वैशाख ५ ।  शहीद स्मारक ‘ए’ डिभिजन लिग फुटबलअन्तर्गत आजबाट दशौं चरणको खेल शुरु हुदैँछ। जसअनुसार आज २ खेल हुनेछन्।

त्रिपुरेश्वरस्थित दशरथ रंगशालामा दिउँसो ३ बजे शुरु हुने पहिलो खेलमा एफसी खुमलटार र न्युरोड टिम एनआरटीबिच प्रतिस्पर्धा हुनेछ। खुमलटार ९ खेलबाट १० अंक जोडेर लिगको १० औँ स्थानमा छ भने एनआरटी ७ अंकका साथ लिगको पुछारबाट दोस्रोमा छ।

यस्तै, अर्को खेलमा मनाङ मर्स्याङ्दी क्लब र त्रिभुवन आर्मी क्लब प्रतिस्पर्धामा उत्रनेछन्।  यी २ टिमबीचको खेल साँझ ६ बजे दशरथ रंगशालामा नै हुनेछ। मनाङ ९ खेलबाट १५ अंक जोडेर लिगको तेस्रो स्थानमा छ भने आर्मी समान खेलबाट १२ अंकका साथ लिगको आठौँ  स्थानमा छ।