काठमाडौं, वैशाख ६ ।  एसीसी प्रिमियर कपमा आज २ खेल भइरहेका छन् ।

कीर्तिपुरस्थित त्रिवि क्रिकेट मैदानमा यूएई र कुवेतबीच प्रतिस्पर्धा भइरहेको छ । कुवेतले टस जितेर फिल्डिङ रोजेपछि यूएईले पहिले ब्याटिङ गरिरहेको छ । दुवै टिम प्रतियोगितामा सुखद् सुरुवात गर्न चाहन्छन् ।

यस्तै, मूलपानी क्रिकेट मैदानमा ओमान र कतारबीच खेल भइरहेको छ । कतारले टस जितेर फिल्डिङ रोजेपछि ओमानले पहिले ब्याटिङ गरिरहेको छ । कतार र ओमान पनि प्रतियोगितामा सुखद् सुरुवात गर्न चाहन्छन् ।

यसअघि प्रतियोगिताको उद्घाटन खेलमा नेपाल र हङकङले विजयी सुरुवात गरेका थिए । नेपालले मलेसियालाई ६ विकेटले पराजित गर्दै सुखद सुरुवात गरेको हो भने हङकङले सिंगापुरलाई ८ विकेटले पराजित गरेको थियो ।

प्रतियोगिता सुरु हुनुभन्दा अगाडि भएको अभ्यास खेलमा नेपालले ओमानलाई ५ विकेटले पराजित गरेको थियो ।