काठमाडौं, वैशाख ७ ।  शहीद स्मारक 'ए' डिभिजन लिग फुटबलमा आज २ खेल हुँदैछन् ।

आज थ्री स्टार क्लब र हिमालयन शेर्पा तथा चर्च ब्वाइज युनाइटेड र सातदोबाटो युथ क्लबबीच खेल हुँदैछ । थ्री स्टार र हिमालयन शेर्पाको खेल दिउँसो ३ बजे एन्फा कम्प्लेक्सको मैदानमा सुरु हुनेछ । थ्री स्टार १५ अङ्क सहित तेस्रो स्थानमा र हिमालय शेर्पा ९ अङ्क सहित तेह्रौँ स्थानमा छ ।

यस्तै, चर्च ब्वाइज र सातदोबाटोको खेल बेलुकी ६ बजे दशरथ रङ्गशालामा हुनेछ । पहिलो पटक 'ए' डिभिजन लिग खेलिरहेका सातदोबाटो र चर्च क्वाइजले जारी लिगमा शानदार प्रदर्शन गरिरहेका छन् ।

९ खेलबाट १७ अंक जोडेको सातदोबाटो तालिकाको दोस्रो स्थानमा रहेको छ । बिहीबारको खेल जितेको खण्डमा सातदोबाटोले २० अंक सहित शीर्ष स्थानको जावलाखेल युथ क्लबलाई भेटाउनेछ । १५ अंक जोडेको चर्च ब्वाइज भने तालिकाको छैटौं स्थानमा छ ।