काठमाडौं, वैशाख ८ । नेपालले आज एसिसी प्रिमियर कपमा ओमानविरुद्ध आफ्नो ५० औं ओडिआई खेल खेल्दैछ । खेल कीर्तिपुरस्थित टियु मैदानमा बिहान ९ बजेदेखि सुरु भएको छ । 

सन् २०१८ मार्च १५ मा ओडिआई मान्यता प्राप्त गरेको नेपालले हालसम्म ४९ औं ओडिआई खेलेको छ। एसीसी प्रिमियर कप अन्तर्गत आफ्नो दोस्रो खेलमा ओमानले नेपालविरुद्ध टस जितेर फिल्डिङ रोजेको छ । ओमानका कप्तान जिसन मक्सुदले टस जितेर पहिला फिल्डिङ रोजेका हुन् । नेपालको यो ५० औं ओडिआई खेल समेत रहेको छ ।

एसिसी प्रिमियर कपमा समूह ए मा घरेलु टोली नेपालसँगै ओमान, कतार, मलेसिया र साउदी अरब छन् । समूह बी मा युएई, हङकङ, कुवेत, सिंगापुर र बहराइन छन् । प्रतियोगिता सेमिफाइनल, फाइनल हुँदै उपाधि जित्ने टोलीले आगमी सेप्टेम्बरमा पाकिस्तानमा हुने एसिया कप खेल्न पाउनेछन् ।