सन्दीपले पूरा गरे विश्व कीर्तिमानी एक सय विकेट, रचे नयाँ इतिहास
तोडे राशिद खानको कीर्तिमान
काठमाडौं, वैशाख ८ । नेपालका स्पिनर सन्दीप लामिछानेले एकदिवसीय अन्तराष्ट्रिय (ओडिआई) क्रिकेटमा एक सय विकेट पूरा गरेर विश्व कीर्तिमानी कायम गरेका छन् ।
लामिछानेले ओमानविरुद्धको खेलमा एक सय विकेट लिएर दुर्लभ विश्व कीर्तिमान आफ्नो नाममा गरेका हुन् । योसँगै उनले अफगानिस्तानका राशिद खानको कीर्तिमान तोडेका छन् । राशिद खानले ४४ खेलमा १ सय विकेट पूरा गरेका थिए । २०१८ मा खानले बनाएको उक्त कीर्तिमान तोड्दै सन्दीपले आफुले खेलेको ४२ एकदिवसीय अन्तराष्ट्रियमा एक सय विकेट पूरा गरेका हुन् ।
सन्दीपले यसअघि ४१ खेलमा ९९ विकेट लिइसकेका छन्। आजको खेलमा एक विकेट लिएर ४२ खेलमा सय विकेट पुर्याएका हुन् ।
प्रकाशित मिति: शुक्रबार, वैशाख ८, २०८० १४:१७
प्रतिक्रिया दिनुहोस्
थप खेलकुद
साताको लोकप्रीय
