ललितपुर, वैशाख ११ ।  शहीद स्मारक 'ए' डिभिजन लिग फुटबलमा आज सोमवार भएको खेलमा सशस्त्र प्रहरीको एपीएफ क्लबले खुमलटार एफसीलाई हराएको छ ।

एन्फा कम्प्लेक्सको मैदान सातदोबाटोमा भएको खेलमा एपीएफले खुमलटारलाई २-० गोलले हराएको हो । एपीएफको जितमा अब्डोउ रमानी र अर्मान्ड बिडोमले १/१ गोल गरे ।

यो जितसँगै एपीएफ १७ अङ्कसहित तालिकाको पाँचौँ स्थानमा पुगेको छ । खुमलटार १३ अङ्कसहित ११ औँ स्थानमा रहेको छ ।