खेलकुद
एसीसी प्रिमियर कप : मलेसियासंग कतार ३ विकेटले पराजित
कतारले दिएको २ सय १६ रनको लक्ष्य मलेसियाले ३४ ओभर १ बलमा ७ विकेट गुमाएर भेटायो । मलेसियाका सइद अजिजले सर्वाधिक ८० रन बनाए
काठमाडौं, वैशाख १२ । एसीसी मेन्स प्रिमियर कपमा मलेसियाले कतारलाई हराएको छ । आज मङ्गलवार भएको खेलमा मलेसियाले कतारलाई ३ विकेटले हरायो ।
कतारले दिएको २ सय १६ रनको लक्ष्य मलेसियाले ३४ ओभर १ बलमा ७ विकेट गुमाएर भेटायो । मलेसियाका सइद अजिजले सर्वाधिक ८० रन बनाए । यस्तै कप्तान अहमद फैजले ३३ रन बनाए । कतारका मोहम्मद नदीम र इक्रामुल्लाह खानले २/२ विकेट लिए ।
यसअघि मुलपानी क्रिकेट मैदानमा टस हारेर ब्याटिङ गरेको कतारले निर्धारित ३५ ओभरमा ८ विकेट गुमाएर २ सय १५ रन बनायो । इमाल लियानगेले ५६, खुर्रम शहजादले ४१ र इक्रामुल्लाह खानले ३९ रन बनाए । मलेसियाका रिजवाद हैदर र मुहम्मद वकिफले २/२ विकेट लिए ।
यो जितसँगै समूह 'ए' मा रहेको मलेसिया ४ खेलमा ४ अङ्कसहित तालिकाको दोस्रो स्थानमा छ । कतार ३ खेलमा अङ्कविहीन हुँदै पुछारमा छ ।
प्रकाशित मिति: मंगलबार, वैशाख १२, २०८० १७:५७
प्रतिक्रिया दिनुहोस्
थप खेलकुद
साताको लोकप्रीय
-1713956577.jpg)
