काठमाडौं, वैशाख १४ । एसीसी पुरुष प्रिमियर कप अन्तर्गत घरेलु टोली नेपाल र कतारबीचको खेल त्रिविस्थित टियु मैदानमा भईरहेको छ ।

समूह चरणको अन्तिम खेलमा कतारविरुद्ध टस हारेर पहिला ब्याटिङ गरेको नेपालले सुरुवातमै दुई विकेट गुमाएको छ । नेपालले ४ ओभरमा २ विकेट गुमाउँदै १४ रन बनाएको छ ।

नेपाल र साउदी अरेबियाबीचको मुलपानी मैदानमा तय भएको तेस्रो खेल वर्षाका कारण रद्द भएको थियो । रद्द भएर अंक जोडेसँगै नेपाल सेमिफाइनलमा प्रवेश गरेको थियो । नेपाल ३ खेलमा २ मा जित र १ मा अंक बाँड्दै ५ अंकका साथ दोस्रो स्थानमा छ । नेपाललाई समूह विजेता बन्न आज हुने अन्तिम खेलमा जित आवश्यक पर्दछ ।